پاوانەکان

لەبەر چەند هۆکارێک کە پەیوەستە بە نیشانەی بازرگانیی (WordPress)، داوات لێ دەکەین، کە ئەگەر بە نیازیت ماڵپەڕێک دەربارەی وۆردپرێس دروست بکەیت، ئەوە هەرگیز “WordPress” لە ناوی پاوانەکە بەکارنەهێنیت. هەوڵبدە لەجیاتیی ئەوە “wp” یان شتێکی هاوشێوە بەکاربهێنیت. ئێمە پارێزەر نیین، بەڵام شارەزاکان پێمان دەڵێن دەبێت ئەو ڕێگایە بگرینە بەر بۆ پاراستنی نیشانە بازرگانییەکەمان. هەروەها چەندین بەکارهێنەریش پێیان ڕاگەیاندووین کە بەهۆی ئەوەوە سەرلێشێوان ڕوویداوە.

ئەگەر ئێستا پاوانێکت هەیە کە “WordPress”ی تێدایە، کارێکی باش دەکەیت کە ئاڕاستەی بکەیت بۆ دانەیەکی تر کە “wp”ی تێدایە، هەروەها بانگەشە نەکەیت بە بەکارهێنانی ئەوەی “WordPress”ی تێدایە، لە ماوەیەکی درێژخایەندا دەبێت کۆنەکە بگوێزیتەوە بۆ ڕێکخراوەکە.

“WordPress” لە ناوی پاوانی لاوەکیدا ئاسایییە، بۆ نموونە wordpress.example.com، ئێمە تەنیا دەربارەی ئاستی سەرەوەی ناوی پاوانەکان دەدوێین.

ئێمە ئەمەمان بە هەرکەسێک ڕاگەیاندووە کە پرسیاری لێ کردووین، تەنیا ویستمان بەشێوەیەکی گشتیی بڵاوی بکەینەوە تا خەڵکی زیاتر ئاگاداری ئەم سیاسەتە بن.

ئەگەر ناوی پاوانی ترت بینی کە (WordPress)یان بەکارهێنابوو، هەروەها (WordPress.com) و (WordPress.net) و (WordPress.org) و (WordPress.tv) یان (WordPressFoundation.org) نەبوون، ئەوە ڕێگەپێدراو نیین. دەبێت پەیوەندیی بکەیت بە خاوەنەکەی و لەم پەڕەیە ئاگاداری بکەیتەوە. ئێمە بەزۆریی ئەمە دەبینین لە ماڵپەڕی فێڵ و نافەرمییەکان، کە دەیانەوێت ڕووکار و پێوەکراوەکان بە زیانەواڵەوە بڵاوبکەنەوە. بە ئاشکرا کردنیان، یارمەتیی پاراستنی دروستیی پڕۆژەکە دەدەیت.